تجارب اجتماعية جدااااااااااااااااا.... لمحاولة النهوض بالاخصائيين

االحكاية بسيطة جدا
كتكوت فصيح اذن وصاح غني ولعلع وصوته راح اصل الحكاية انه كان كتكوت زمان غنا يقول ياليل ياغول امتي الصباح ..
هي ديه مشكلة الاجتماعين احنا عايزين ايه وليه وازاي وطبعا ديه مشكلة مصر باكملها !!! خلينا في موضوعنا

طبعا من البداية الحكاية ملغبطة لان كلنا تربيتنا لم توضح حاجة اسمها تخطيط يعني لما احنا عايزين نخلي الخدمة الاجتماعية ناجحة نبتدي منين علشان نروح فين - نبتدي بالدكتور الجامعي وهيئة التدريس اللي لزم يكون فيه حوار مع النقابة اللي بتشوف مشاكل الخرجين ونحاول نبداء منها زي المواد الدراسية واسف جدا للرائ الخاص بي والمتواضع مع حجم افكار السادة القائمين علي المقررات الدراسية والسادة هيئة التدريس بالمعاهد وكليات الخدمة الاجتماعية - يعني كنا بندرس نظريات وحاجات كتير مش في الواقع والاهم من ده هو ازاي نخطط للتنمية يعني لم ندرس بالفعل التخطيط الاستراتيجي (ازاي نخطط للافكار باسلوب علمي وكيفية تنفيذها ايضا)وازاي نتعامل مع الناس في الشارع لان شغلتنا في الواقع مش في المكاتب والتكيفات وبعدين ندرس يعني ايه برنامج اجتماعي وازاي نصممه والفرق بين البرنامج والنشاط واقسم بالله انا اشتغلت شوية في مجال تنمية المجتمع بس والله عرفت في سنتين اللي مالم اعرفه نهائيا في اربع سنوات دراسية المهم نرجع لكلامنا وبعدين تسمحوللي اسال فين دور النقابة في اصدار مجلة للاجتماعين تساهم بيه في تنشيط افكار وطرح برامج للخريجين انا مش برمي قضايا علي اية جهة ولكن ليعلم الجميع والله علي ما اقول شهيد انني اكتب هذا رغبة في تنمية المهنة ومنها لتنمية المشتغلين بالمهنة لان ده هدفنا كلنا كخريجين الخدمة الاجتماعية كليات ومعاهد

الجدير بالذكر ان الاخصائئين نفسهم في بعض الاماكن بيكون عندهم احساس بالنقص وده نعوضه ازاي .........مشاكل اغلبية الاخصائيين ومتاسف - بصفة خاصة الذكور(الرجالة) - بتكون في الدخل الشهري يعني الخدمة الاجتماعية لو اخذنا مثل في المجال المدرسي ملهاش دروس خصوصية ومفيش دخل اضافي مع احترامي الشديد للكادر اللي هو مش قادر علي سد الفجوة الحقيقية بين الاسعار ومستلزمات الحياة واحنا كلنا عارفين الكلام ده، المهم ونسال نفسنا ازاي نخرج الباشا او الهانم الاخصائيين من الهم الكبير ده واللي بياثر بالسلب عليهم وعلي المهنة بصفة عامة يعني منفكرش اننا نعمل منحة للنهوض بمهنة الخدمة الاجتماعية وخريجي الخدمة الاجتماعية منحة من اي جهة تمويلية وان كان ده غير قانوني للنقابة ممكن يكون من خلال رابطة خريجي الخدمة الاجتماعية او تحت اي نشاط لمؤسسة تعمل بمجال تنمية المجتمع - واذكر مؤسسة وليس جمعية- ومن هنا بيكون تدريب وثقل لاهمية دور الاخصائي/ية وتنمية مهاراته ومحاولة للنهوض بالمهنة من خلال النهوض بالمشتغلين والخريجين ومحاولة وجود مركز للاستشارات الاجتماعية للخريجين ووجود منح للتدريب والعمل والتزاور والسفر بالداخل والخارج يعني ممكن يجي اليوم اللي الخليج يحتاج اخصائيين اجتماعيين من مصر للعمل بكافة المجالات

طبعا كان من الواضح اني ذكرت ازاي من خلال الشرح السابق واتمني ان اي مسئول لو شاف الفكرة وعجبته يكلمني ونحاول مع بعض اننا نبلورها للواقع واكيد مدام حسن ظننا بالله كبير هننجح لاننا لانبغي سوي وجه الله في هذا المشروع لتنمية مهنة الخدمة الاجتماعية وكل من درسها سواء اشتغل بها او لم يحالفه الحظ بالاشتغال نظرا للظرف التي نعلمها جميعا ...

صلاح مكاوي
0104848353
mekawey2000@gmail.com